想改变香港,你需要落水去搞

2020-07-10    收藏584
点击次数:952

想改变香港,你需要落水去搞

投票日,在此我想感谢一众手足,尤其是愿意出来参选的六位热狗。

成立「热血公民」之前,我已经积极参与民主运动,但係其实嗰时好轻鬆,当时我身为一个作家,只需喺某啲议题上面表下态,分析几句出下sound bites,喺示威场合亮下相,大不了咪冲下屌下,大家就自然觉得你好勇敢,好有良心呀!

几撚容易~~

喺香港,好多人所谓「支持民主」其实只係附庸风雅,不涉利益生计,绑条丝带装饰一下,这种「支持民主」,就跟「熄灯一小时保护地球」、「饮Starbucks支援公平咖啡贸易」差唔多。

但当你真心想改变社会,想改变香港,你需要落水去搞。

係落水,唔係抽水唔係白水。

搞抗争搞政治,比你所想像的更複杂,除咗你会係新闻睇到嗰啲政治检控、暴力、滋扰之外,你同时要去经营组织、处理人事、筹措经费,上述呢啲野係冇得拎出唻卖小强的,而且去搞呢啲野,仲会畀位一啲无聊人去造谣抹黑:你搞组织工作,佢无厘头话你「变咗政客呀」;你努力赚钱筹措组织经费,条仆街话你「昆水」;真係筹到钱投放喺运动或媒体运作上,佢又话你「啲钱唔知边度唻」;你去推动组织发展、培育新人,佢九唔搭八话你「变咗质」、「佢以前唔係咁,佢以前好独立架」(结婚之前仲独立呀,白痴)。

落水,就是这幺一回事!
「抗争,总是满身泥泞,而唔係扮晒黎明。」

这几年,愈来愈多人抽水,但庆幸也愈来愈多人落水。

这次区选,又多了六个,谢谢你们,你们落水了!

落水名单:
黄润基(南区利东一、1号)
蔡文龙(南区利东二、2号)
梁敬(黄大仙慈云西、1号)
方智龙(深水埗元州及苏屋、2号)
郑松泰(屯门乐翠、3号)
李政熙(北区天平西、3号)


相关文章  RELEVANT ARTICLES