布甸狗cafe香港开喇! 9大必吃食品率先试!【铜锣湾食乜好

2020-07-08    收藏116
点击次数:998

布甸狗终于由日本跑到嚟香港喇!POMPOMPURIN Cafe听日(21/12)正式开幕喇。今次食店港式茶楼做主题,更特别为布甸狗设计咗新造型添!净係门口装潢已经好靓,入到去肯定会影相影到停唔到手!

布甸狗cafe香港开喇! 9大必吃食品率先试!【铜锣湾食乜好

布甸狗cafe香港开喇! 9大必吃食品率先试!【铜锣湾食乜好

布甸狗cafe香港开喇! 9大必吃食品率先试!【铜锣湾食乜好
店入面嘅布置加入唔少香港特色

3大必试主菜

记者已经急不及待抢先试食咗,发现食物除咗得意之外,味道亦好有质素,食完仲有得意布甸狗杯送添!今次我哋就为大家精选咗9款必试食品,真係每款都得意到唔捨得食落肚呀!先同你试下3款,造型cute爆灯的主菜先!

布甸狗cafe香港开喇! 9大必吃食品率先试!【铜锣湾食乜好

1. 布甸狗椰汁鸡肉咖喱饭 $99

布甸狗cafe香港开喇! 9大必吃食品率先试!【铜锣湾食乜好
呢只咁得意嘅布甸狗,係由日本珍珠米加入黄姜粉製作而成,咖喱汁好有质素,好香椰汁味,而且偏甜,记者食到停唔到口!不过由于要将饭压成布甸狗造型,所以饭嘅质感比较实,女孩子们相信食一只耳仔都已经开始饱,建议大家都係share嚟食。

2. 烟肉蘑菇卡邦尼意大利粉 $149

布甸狗cafe香港开喇! 9大必吃食品率先试!【铜锣湾食乜好
卡邦尼意粉味道差不多,值得一讚係佢有沙律菜伴碟,令到食起上嚟唔会太腻。而且碟上面呢只咁得意嘅布甸狗杯,食完仲有得拎走添!不过每日限量送出,所以想拎走布甸狗杯就要早d嚟排队喇。$149就有得食又有得拎,推介!

3. 欢乐野菜拼盆 $139

布甸狗cafe香港开喇! 9大必吃食品率先试!【铜锣湾食乜好
野菜拼盆同出面嘅All Day Breakfast类似,上面嘅Egg Benidict煮得啱啱好,蛋黄流心,抵讚!唔讲唔知,原来呢个野菜拼盆摆咗好多心思入去,除咗布甸狗之外,仲用咗佢嘅朋友仔Muffin、Scone同埋Bagel嚟做食材添!

4. Bagel特製!班㦸塔 $149

布甸狗cafe香港开喇! 9大必吃食品率先试!【铜锣湾食乜好
班㦸塔由5层班㦸组成,中间夹住焦糖、朱古力、吉士酱等,味道好有层次,而且份量十足,食4分1个已经好饱!记者个人最欣赏层朱古力酱,食落唔会太甜,就算夹埋焦糖一齐食都唔会太过份,不过吉士酱食落个感觉就有d似普通cream,冇乜吉士味。另外,除咗前面介绍过嘅意粉之外,呢个班㦸塔亦都会送布甸狗杯。

5. 记者心水推介!布甸狗芒果芭菲 $119

布甸狗cafe香港开喇! 9大必吃食品率先试!【铜锣湾食乜好
芒果芭菲真係好好好好好好食!特别推介最面层嘅布甸,硬身得嚟又唔会太甜,配合埋芒果雪糕同底层嘅海棉蛋糕,食完个感觉真係好满足!而且除咗芒果之外,仲有橙、士多啤梨等等水果,中和返甜品嘅甜味,推介!

6. 布甸狗吉士布甸 $49

布甸狗cafe香港开喇! 9大必吃食品率先试!【铜锣湾食乜好
得意嘅吉士布甸本身已经好好味好够甜,个人认为唔加焦糖酱比较好食,加咗反而盖过布甸味,变咗食紧焦糖酱咁。不过最可惜嘅,就係呢个布甸杯係冇得外卖拎走㗎,如果想要返个杯,都係要由日本搬返嚟。

7. 布甸狗香蕉焦糖班㦸 $119

布甸狗cafe香港开喇! 9大必吃食品率先试!【铜锣湾食乜好
班㦸食落唔会太甜,加埋少少焦糖酱就啱啱好,而且中间以香蕉隔开两层班㦸,所以唔会太腻,不过就略嫌多咗少少cream。

8. 好邪恶!焦糖布甸牛奶 $64

布甸狗cafe香港开喇! 9大必吃食品率先试!【铜锣湾食乜好
呢杯牛奶绝对係记者嘅另一推介,连平时唔太锺意饮牛奶嘅我都想饮多杯!将最底层嘅布甸味焦糖同牛奶搅匀之后,味道出奇地夹,而且唔会太甜。加埋面层嘅cream同焦糖酱,真係好邪恶呀!

9. 热恋棉花糖牛奶咖啡 $69

布甸狗cafe香港开喇! 9大必吃食品率先试!【铜锣湾食乜好
咖啡面放咗布甸狗同埋Macaron造型嘅棉花糖,够晒sweet~ 店员话趁棉花糖融化嘅时候饮就最好饮,不过记者就觉得咖啡嘅温度似乎唔够融化棉花糖,所以选择咗就咁饮。虽然话係牛奶咖啡,不过味道就偏酸,似斋咖。

提提你:每order一杯饮品,都会送一个布甸狗杯垫,饮完记得拎埋杯垫先走呀!

Pompompurin Cafe

(开业;时间:6:00pm-10:00pm)

地址:铜锣湾轩尼诗道525号澳门逸园中心B1F

营业时间:星期一至日:11:00am-10:00pm

备注:不设订位,用餐时间限时90分钟

相关文章  RELEVANT ARTICLES