《坏事接二连三 无钱都想学人换主帅? 笑死人咩》

2020-05-27    收藏711
点击次数:114

《原创文章 欢迎转载 请列明出处 谢谢》-请支持蓝狮 Facebook专页-《坏事接二连三 无钱都想学人换主帅? 笑死人咩》 按此观看图片 .图片来源 : Okduet云加退任后阿仙奴亦经已确立艾马利为下任主帅,利物浦在无声无色之中签下巴西防中法宾奴,热刺亦与普捷天奴签下新约,而曼市双雄亦双双为新球季组班做準备,反观车路士接二连三都係坏消息,先有未确定下任主帅,再者油王艾巴莫域治未获签証入境问题,继而更传出球会与门将古图尔斯续约谈判破裂,同时新球场计划无限期搁置,球会睇黎车路士下季似乎都继续无运行。针对换帅哩一部份,相信係最令球迷们不解及气愤既地方,喺收咧前最后一场赛事即係足总盃决赛后,干地都经已表明未知去向,言语中表达有机会被辞任既机会,而意大利人在先前都有表明心迹,希望完成合约中既三年任期,亦即係余下仲有一季时间。但干地与管理层在关係破裂既前题下,球会一直都希另寻新帅,而近期最为接近既就係前拿坡里主帅沙利。拿坡里已经确定安察洛堤为下任新主帅,但并未有辞退沙利,意味着哩为同为意大利藉主帅既下任东家必需支付解约费用,但车路士明显唔想比哩笔钱,加上辞退干地与其教练团既费用,蓝军高层希望有球会为干地解约,但世事边有咁完美,搞到依加好似喺街市买棵菜咁压价左度右度,其实真係相当之难睇,无钱又要学人玩换帅,车路士高层究竟训醒未。黎紧新球场又即将动工,姐係哩几季将会有大部份既支出会投放左喺果边,如果係咁其实更唔应该洗多余钱,唔係话干地教得好好,佢本身都有一啲间题係哩两季都浮现而无改善,但係睇唔见得出沙利有咩优点会比佢优胜,如果係咁点解唔比干地完成埋合约余下最后哩一季,下季先再决定意大利人既去向,咁样唔係依加最好既决定黎咩?安历基、沙利、白兰斯,真係一个名比一个名得人惊,唔该高层尽快平息下季主帅人选消息,如果唔係真係唔会有员工喺未知下任老细係边个之前加入果间公司,而旧员工亦公司前境唔明朗之下亦只会选择离开去其他新环境工作。文章最后更新时间 : 27/05/2018 09:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关文章  RELEVANT ARTICLES